mohabbat daimi sukh hai

mohabbat dā.imī sukh hai

ki jis ko miit kī ghaḌiyāñ

kabhī kam kar nahīñ saktīñ

ye mausam ik daf.a aa.e

to phir aa kar shahr jaa.e

hasīñ shādāb sī kaliyāñ

nigāhoñ meñ samāñ jaa.eñ

to phir ye mar nahīñ saktīñ

ḳhayāloñ kī ravānī meñ

ki jaise bahte paanī meñ

kañval khil jaa.eñ ḳhvāboñ ke

to fitrat muskurātī hai

ishāra kar ke tāroñ se

chhalakte ābshāroñ se

madhur sargoshiyāñ kar ke hameñ rasta dikhātī hai

ye rasta kis qadar hairān-kun manzar dikhātā hai

usī raste pe insāñ ḳhud ko pahlī baar paatā hai

mohabbat ko sazā kahne se pahle soch kar rakhnā

ki jo us se bichhaḌ jaa.e

use manzil nahīñ miltī

bikhar jaa.eñ jo ban kar ḳhaak phir mahfil nahīñ miltī

mohabbat dā.imī sukh hai

mohabbat daimi sukh hai

ki jis ko mit ki ghaDiyan

kabhi kam kar nahin saktin

ye mausam ek dafa aae

to phir aa kar shahr jae

hasin shadab si kaliyan

nigahon mein saman jaen

to phir ye mar nahin saktin

KHayalon ki rawani mein

ki jaise bahte pani mein

kanwal khil jaen KHwabon ke

to fitrat muskuraati hai

ishaara kar ke taron se

chhalakte aabshaaron se

madhur sargoshiyan kar ke hamein rasta dikhati hai

ye rasta kis qadar hairan-kun manzar dikhata hai

usi raste pe insan KHud ko pahli bar pata hai

mohabbat ko saza kahne se pahle soch kar rakhna

ki jo us se bichhaD jae

use manzil nahin milti

bikhar jaen jo ban kar KHak phir mahfil nahin milti

mohabbat daimi sukh hai