mohabbat ek zarurat hai

bahut se log kahte haiñ

ki rishte gar zarūrat se juḌe hoñ to

vo aksar TuuT jaate haiñ

zarūrat puurī hone par zarūrat-mand ik duuje se aksar ruuTh jaate haiñ

magar ye bhī haqīqat hai

ki ye duniyā zarūrat hai

yahāñ par saañs lenā baat karnā

saath chalnā aur dhḌaknā

hañste hañste ek dam ḳhāmosh honā

aur phir chupke se ronā

yaad rakhnā bhuul jaanā

bhuul jaane par kisī ko yaad kar ke muskurānā sab zarūrī hai

kisī kā naam likh kar diary ko ḳhud chhupānā

giit likhnā gungunānā

ḳhvāb taknā raah taknā

aur phir ik din kisī kī raah meñ chupke se marnā sab zarūrī hai

yahāñ sab kuchh zarūrat hai

yahāñ sab kuchh zarūrī hai

so tum maano na maano

bas mujhe to achchhā lagtā thā

vo jab bhī mujh se kahtā thā

mujhe terī zarūrat hai

mujhe terī zarūrat hai

mohabbat ik zarūrat hai

yahī to ik ibādat hai

riyāzat hī riyāzat hai

bahut se log kahte hain

ki rishte gar zarurat se juDe hon to

wo aksar TuT jate hain

zarurat puri hone par zarurat-mand ek duje se aksar ruTh jate hain

magar ye bhi haqiqat hai

ki ye duniya zarurat hai

yahan par sans lena baat karna

sath chalna aur dhDakna

hanste hanste ek dam KHamosh hona

aur phir chupke se rona

yaad rakhna bhul jaana

bhul jaane par kisi ko yaad kar ke muskurana sab zaruri hai

kisi ka nam likh kar diary ko KHud chhupana

git likhna gungunana

KHwab takna rah takna

aur phir ek din kisi ki rah mein chupke se marna sab zaruri hai

yahan sab kuchh zarurat hai

yahan sab kuchh zaruri hai

so tum mano na mano

bas mujhe to achchha lagta tha

wo jab bhi mujh se kahta tha

mujhe teri zarurat hai

mujhe teri zarurat hai

mohabbat ek zarurat hai

yahi to ek ibaadat hai

riyazat hi riyazat hai