mohabbat KHatm hai tum par

tum kyā jaano

āvāz safar kartī hai

duur mandiroñ meñ bajtī ghanTiyoñ kī tarah

jism bolte haiñ

dariyā kī lahreñ jab kināroñ se Takrātī haiñ

talātum-ḳhez maujoñ kā ajab ik shor uThtā hai

aur us par paḌtī kamroñ kī raushnī

ḳhaak dariyā meñ ruuh phūñk detī hai

tum bachchoñ ko pariyoñ chāñd sitāroñ kī kahāniyāñ sunāte ho

be-ḳhabar

ye sabhī tumhāre ḳhilāf dohrī chaal chal rahe haiñ

tum qadīm dhunoñ meñ

pesh-e-doshīzgī doshīzgī ke rañg dete ho

aur ārām talab ghaTāoñ se gurezāñ ho

jo tumhāre raste meñ ḳhālī paḌe benchoñ par mātam kartī haiñ

Keats aur coleridge tumhārā kyā bigāḌeñge

aql-o-dānish ke pahre-dār tumhārī hifāzat kar rahe haiñ

tumheñ ḳhvāb kī tahvīl meñ kaise laa.eñ

tum aur mohabbat

apnī āñkheñ sūraj kī taraf rakho

shukr dopahar

sannāToñ meñ dīvāna-vār us kī galī talāsh karoge

tum ik din vahshat ke hāthoñ maar diye jāoge

tum kya jaano

aawaz safar karti hai

dur mandiron mein bajti ghanTiyon ki tarah

jism bolte hain

dariya ki lahren jab kinaron se Takraati hain

talatum-KHez maujon ka ajab ek shor uThta hai

aur us par paDti kamron ki raushni

KHak dariya mein ruh phunk deti hai

tum bachchon ko pariyon chand sitaron ki kahaniyan sunate ho

be-KHabar

ye sabhi tumhaare KHilaf dohri chaal chal rahe hain

tum qadim dhunon mein

pesh-e-doshizgi doshizgi ke rang dete ho

aur aaram talab ghaTaon se gurezan ho

jo tumhaare raste mein KHali paDe benchon par matam karti hain

Keats aur coleridge tumhaara kya bigaDenge

aql-o-danish ke pahre-dar tumhaari hifazat kar rahe hain

tumhein KHwab ki tahwil mein kaise laen

tum aur mohabbat

apni aankhen suraj ki taraf rakho

shukr dopahar

sannaTon mein diwana-war us ki gali talash karoge

tum ek din wahshat ke hathon mar diye jaoge