mohabbat ki manzil

aise to nahīñ chheḌo mere jism ke tambūre ko

jaise koī bachcha sharārat kare

merā jism koī raaz nahīñ hai

jise daryāft karne ke liye

kisī naqshe kī zarūrat ho

ye algebra kā savāl nahīñ hai

jis kā pahle se formula tayyār ho

is saaz ko bajāne ke liye koī bhī tarkīb

duniyā kī kisī bhī kitāb meñ darj nahīñ

ye saaz az-ḳhud bajne lage agar

tere nain mohabbat ke diye ban kar jal uTheñ

terī uñgliyoñ kī poreñ

mere jism par aise safar kartī haiñ

jaise koī muhim jo pahāḌ kī choTī par

fatah kā parcham lahrānā chāhe

barf kā pahāḌ bhī pighalne lage agar

tere haath mere par ban kar

mujhe mohabbat kī manzil kī taraf

uḌā kar le jaa.eñ

aise to nahin chheDo mere jism ke tambure ko

jaise koi bachcha shararat kare

mera jism koi raaz nahin hai

jise daryaft karne ke liye

kisi naqshe ki zarurat ho

ye algebra ka sawal nahin hai

jis ka pahle se formula tayyar ho

is saz ko bajaane ke liye koi bhi tarkib

duniya ki kisi bhi kitab mein darj nahin

ye saz az-KHud bajne lage agar

tere nain mohabbat ke diye ban kar jal uThen

teri ungliyon ki poren

mere jism par aise safar karti hain

jaise koi muhim jo pahaD ki choTi par

fatah ka parcham lahrana chahe

barf ka pahaD bhi pighalne lage agar

tere hath mere par ban kar

mujhe mohabbat ki manzil ki taraf

uDa kar le jaen