mohabbat

kirshn aa.e ki diiñ bhar bhar ke vahdat ke ḳhumistāñ se

sharāb-e-ma.arifat kā rūh-parvar jaam hindū ko

kirshn aa.e aur us bātil-rubā maqsad ke saath aa.e

ki duniyā but-parastī kā na de ilzām hindū ko

kirshn aa.e ki talvāroñ kī jhankāroñ meñ de jaa.eñ

hayāt-e-jāvidāñ kā sarmadī in.aam hindū ko

agar ḳhauf-e-ḳhudā dil meñ hai phir kyuuñ maut kā Dar ho

kirshn aa.eñ to ab bhī deñ yahī paiġhām hindū ko

musalmānoñ ke dil meñ bhī adab hai in haqā.eq kā

sikhātā hai yahī sachchā.iyāñ islām hindū ko

vo mere jazba-e-dil kī kashish kā laakh munkir ho

mohabbat se maiñ āḳhir kar hī lūñgā raam hindū ko

kirshn aae ki din bhar bhar ke wahdat ke KHumistan se

sharab-e-marifat ka ruh-parwar jam hindu ko

kirshn aae aur us baatil-ruba maqsad ke sath aae

ki duniya but-parasti ka na de ilzam hindu ko

kirshn aae ki talwaron ki jhankaron mein de jaen

hayat-e-jawidan ka sarmadi inam hindu ko

agar KHauf-e-KHuda dil mein hai phir kyun maut ka Dar ho

kirshn aaen to ab bhi den yahi paigham hindu ko

musalmanon ke dil mein bhi adab hai in haqaeq ka

sikhata hai yahi sachchaiyan islam hindu ko

wo mere jazba-e-dil ki kashish ka lakh munkir ho

mohabbat se main aaKHir kar hi lunga ram hindu ko