mohabbat lafz tha mera

maiñ is shahr-e-ḳharābī meñ faqīroñ kī tarah dar dar phirā barsoñ

use galiyoñ meñ saḌkoñ par

gharoñ kī sard dīvāroñ ke pīchhe DhūñDhtā tanhā

ki vo mil jaa.e to tohfa use duuñ apnī chāhat kā

tamannā merī bar aa.ī ki ik din ek darvāza khulā aur

maiñ ne dekhā vo shanāsā chāñd sā chehra

jo shādābī meñ gulshan thā

maiñ ik shān-e-gadāyāna liye us kī taraf lapkā

to us ne chashm-e-be-parvā ke halke se ishāre se mujhe rokā

aur apnī zulf ko māthe pe lahrāte hue pūchhā

kaho ai ajnabī saa.il

gadā-e-be-sar-o-sāmāñ

tumheñ kyā chāhiye ham se

maiñ kahnā chāhtā thā umr guzrī jis kī chāhat meñ

vahī jab mil gayā to aur ab

kyā chāhe mujh ko

magar taqrīr kī quvvat na thī mujh meñ

faqat ik lafz niklā thā laboñ se kāñptā Dartā

jise ummīd kam thī us ke dil meñ baar paane kī

mohabbat lafz thā merā

magar us ne sunā roTī

main is shahr-e-KHarabi mein faqiron ki tarah dar dar phira barson

use galiyon mein saDkon par

gharon ki sard diwaron ke pichhe DhunDhta tanha

ki wo mil jae to tohfa use dun apni chahat ka

tamanna meri bar aai ki ek din ek darwaza khula aur

main ne dekha wo shanasa chand sa chehra

jo shadabi mein gulshan tha

main ek shan-e-gadayana liye us ki taraf lapka

to us ne chashm-e-be-parwa ke halke se ishaare se mujhe roka

aur apni zulf ko mathe pe lahraate hue puchha

kaho ai ajnabi sail

gada-e-be-sar-o-saman

tumhein kya chahiye hum se

main kahna chahta tha umr guzri jis ki chahat mein

wahi jab mil gaya to aur ab

kya chahe mujh ko

magar taqrir ki quwwat na thi mujh mein

faqat ek lafz nikla tha labon se kanpta Darta

jise ummid kam thi us ke dil mein bar pane ki

mohabbat lafz tha mera

magar us ne suna roTi