mohabbat mar gai meri

mohabbat ke bulañd-o-bāg da.ave sab hī karte haiñ

mohabbat kī aslī me.arāj ko kab koī samjhā hai

mohabbat dil ke andar jāguzīñ

nāzuk sā ik ehsās hotī hai

mohabbat kāñch hotī haiñ

zarā sī Thes lagne se ye chaknā-chūr hotī hai

mohabbat ret hai sāhil kī

ki nañge paañv jis par duur tak chalnā bahut taskīn detā hai

mohabbat ThanDe mīThe pāniyoñ kā ek chashma hai

ki jis kā ghūñT bhī pī leñ

to saarā jism hī andar talak sairāb rahtā hai

magar afsos

ki tum ne is mire ehsās-e-ulfat ko

dahakte jism kā ik aarzī ehsās hī jaanā

tumhārī soch bhī jab aam logoñ kī tarah Thahrī

mohabbat mar ga.ī merī

mohabbat mar ga.ī merī

mohabbat ke buland-o-bag dawe sab hi karte hain

mohabbat ki asli mearaj ko kab koi samjha hai

mohabbat dil ke andar jaguzin

nazuk sa ek ehsas hoti hai

mohabbat kanch hoti hain

zara si Thes lagne se ye chakna-chur hoti hai

mohabbat ret hai sahil ki

ki nange panw jis par dur tak chalna bahut taskin deta hai

mohabbat ThanDe miThe paniyon ka ek chashma hai

ki jis ka ghunT bhi pi len

to sara jism hi andar talak sairab rahta hai

magar afsos

ki tum ne is mere ehsas-e-ulfat ko

dahakte jism ka ek aarzi ehsas hi jaana

tumhaari soch bhi jab aam logon ki tarah Thahri

mohabbat mar gai meri

mohabbat mar gai meri