محبت نغمگی جیسی

محبت ساز ہستی ہے

فقط دل میں جو بستی ہے

محبت ضبط ہے پیہم

محبت ہے دلوں کا میل

محبت جاودانی ہے

محبت ہے دعا جیسی

اٹھا کر ہاتھ جب کوئی

خود اپنے یار کو مانگے

خدا سے پیار کو مانگے

یہی اظہار ہو دل کا

محبت اک عنایت ہے

عبادت بھی محبت ہے

محبت چھاؤں جیسی ہے

محبت ماؤں جیسی ہے

محبت اسم اعظم ہے

محبت ہی تو زمزم ہے

محبت دل کا سجدہ ہے

محبت تو پرستش ہے

محبت اک عبادت ہے

محبت گرد چاہت ہے

محبت اک وظیفہ ہے

میرے رب کا صحیفہ ہے

محبت گہرے بادل سی

محبت ماں کے آنچل سی

محبت نور ہے دل کا