محبت نور ہے دل کا

زمیں سے آسمانوں تک

دھنک کے رنگ بکھرے ہیں

جھلکتے سرمئی منظر

مری آنکھوں میں اترے ہیں

یہاں جو رنگ دکھتا ہے

کئی رنگوں کا محور ہے

محبت نیلگوں چادر

محبت حسن کا ساگر

محبت چشمۂ آب بقا ٹھہرا

محبت اک صحیفہ ہے

محبت اک سلیقہ ہے

محبت ساز ہے دل کا

محبت راگ ساحل کا

محبت رنگ منزل کا

محبت جوڑتی ہے دل

محبت توڑتی ہے دل

محبت دل نشیں نغمے سناتی ہے

محبت جاودانی ہے

محبت روشنی ہے استعارہ ہے

محبت میں ہمیشہ درد ہارا ہے