mohabbat nur hai jaanan

zamāna is kī ḳhvāhish meñ azal se chuur hai jānāñ

mohabbat nuur hai jānāñ

mohabbat nuur hai jānāñ

ruḳh-e-mahtāb se raushan nigār-e-ḳhvāb se raushan

nazar meñ khulne vaale sabza-e-shādāb se raushan

sitāroñ se kahīñ baḌh kar chamak is ke jilau meñ hai

jo āb-o-tāb hai is meñ kahāñ sūraj kī zau meñ hai

ye naḳhl-e-ishq par jaise vafā kā baur hai jānāñ

mohabbat nuur hai jānāñ

mohabbat nuur hai jānāñ

ye jis dil meñ utar jaa.e use ma.amūr kar jaa.e

sarāpā rañg kar jaa.e tamannāoñ se bhar jaa.e

ye aisā kaif hai jo har qadam par zindagī pur-nūr kartā hai

utar kar ruuh meñ is ke añdhere duur kartā hai

ye vo ehsās hai jo har ghaḌī bharpūr hai jānāñ

mohabbat nuur hai jānāñ

mohabbat nuur hai jānāñ

zamana is ki KHwahish mein azal se chur hai jaanan

mohabbat nur hai jaanan

mohabbat nur hai jaanan

ruKH-e-mahtab se raushan nigar-e-KHwab se raushan

nazar mein khulne wale sabza-e-shadab se raushan

sitaron se kahin baDh kar chamak is ke jilau mein hai

jo aab-o-tab hai is mein kahan suraj ki zau mein hai

ye naKHl-e-ishq par jaise wafa ka baur hai jaanan

mohabbat nur hai jaanan

mohabbat nur hai jaanan

ye jis dil mein utar jae use mamur kar jae

sarapa rang kar jae tamannaon se bhar jae

ye aisa kaif hai jo har qadam par zindagi pur-nur karta hai

utar kar ruh mein is ke andhere dur karta hai

ye wo ehsas hai jo har ghaDi bharpur hai jaanan

mohabbat nur hai jaanan

mohabbat nur hai jaanan