mohabbat

tirī mohabbat ne mere hamdam

kiyā hai kuchh mujh pe aisā jaadū

na din ko hai chain tere bin kuchh

na mujh ko rātoñ ko niiñd aa.e

mirī nazar meñ tū hī basī hai

ḳhayāl terā har ik ghaḌī hai

fazā meñ ḳhushbū tire badan kī

ki jaise bulbul hai tū chaman kī

basā hai nazroñ meñ terā jalva

hai har ghaḌī bas ḳhayāl terā

bahār-e-gulshan meñ tujh se rangat

chaman meñ hai sab ye terī nik.hat

guloñ meñ dekhūñ shajar meñ dekhūñ

tujhe hī shām-o-sahar meñ dekhūñ

hai tujh se ai yaar dil ko chāhat

qubūl kar le mirī mohabbat

na uljhanoñ meñ tū Daal mujh ko

maiñ gir na jā.ūñ sañbhāl mujh ko

hai mere dil kī yahī tamanna

tū saath mere rahe hamesha

to zindagī meñ bahār aa.e

dil-e-hazīñ ko qarār aa.e

teri mohabbat ne mere hamdam

kiya hai kuchh mujh pe aisa jadu

na din ko hai chain tere bin kuchh

na mujh ko raaton ko nind aae

meri nazar mein tu hi basi hai

KHayal tera har ek ghaDi hai

faza mein KHushbu tere badan ki

ki jaise bulbul hai tu chaman ki

basa hai nazron mein tera jalwa

hai har ghaDi bas KHayal tera

bahaar-e-gulshan mein tujh se rangat

chaman mein hai sab ye teri nikhat

gulon mein dekhun shajar mein dekhun

tujhe hi sham-o-sahar mein dekhun

hai tujh se ai yar dil ko chahat

qubul kar le meri mohabbat

na uljhanon mein tu Dal mujh ko

main gir na jaun sanbhaal mujh ko

hai mere dil ki yahi tamanna

tu sath mere rahe hamesha

to zindagi mein bahaar aae

dil-e-hazin ko qarar aae