aurat

gar 'aurat hī na hotī is jahāñ meñ

na hotā koī rang is gulsitāñ meñ

ki ammāñ kah ke kis ko tum bulāte

qadam meñ kis ke jannat apnī paate

bahan kā bhī pata phir kuchh na hotā

satāte kis ko haq kis pe jatāte

bigaḌ kar ruuTh jaatī gar kabhī vo

ḳhushāmad kar ke phir kis ko manāte

agar beTī se dāmāñ hotā ḳhālī

nabī ke saath jannat kaise jaate

zan-o-shū kā tasavvur bhī na hotā

mire sartāj bhī tum ban na paate

banāte tum jo ghar ko misl-e-jannat

jamāte haq farā.ez bhī nibhāte

kabhī bantī nahīñ 'nāhīd' sho'la

na gar is tarh tum is ko satāte

gar 'aurat hi na hoti is jahan mein

na hota koi rang is gulsitan mein

ki amman kah ke kis ko tum bulate

qadam mein kis ke jannat apni pate

bahan ka bhi pata phir kuchh na hota

satate kis ko haq kis pe jatate

bigaD kar ruTh jati gar kabhi wo

KHushamad kar ke phir kis ko manate

agar beTi se daman hota KHali

nabi ke sath jannat kaise jate

zan-o-shu ka tasawwur bhi na hota

mere sartaj bhi tum ban na pate

banate tum jo ghar ko misl-e-jannat

jamate haq faraez bhi nibhate

kabhi banti nahin 'nahid' sho'la

na gar is tarh tum is ko satate