muhajir

kaun batlā.e kisī ko

kaun ġhaltī par thā kis ne ġham-zada kis ko kiyā

kis ne gherā Daal kar ghaav diyā barsāt meñ

kis ne Dere par bulā kar barahna lāsha kiyā

kuchh yaad hai

kis ne jangoñ ke sahāre par guzārī zindagī

zindagī kī Dor se uljhā huā

andhā sitārā

bāñTtā hai raushnī

raushnī meñ raat bhīgī jal uThī

ham-vatan kī kaun dekhe bebasī

bebasī meñ gum muhājir ho ga.e

phuul par bhauñre kahīñ se aa gire

phir bhī ham se pūchhtā koī nahīñ

kis ne is dhartī pe kyoñ aa kar samā rakhā hai siiñg

sochtā huuñ kyā muhājir kī hai shaan

jab ki apne des meñ har aadmī

girya-zārī kar rahā hai

yā-ḳhudāvand

yā-masīhā

al-amān

kaun batlae kisi ko

kaun ghalti par tha kis ne gham-zada kis ko kiya

kis ne ghera Dal kar ghaw diya barsat mein

kis ne Dere par bula kar barahna lasha kiya

kuchh yaad hai

kis ne jangon ke sahaare par guzari zindagi

zindagi ki Dor se uljha hua

andha sitara

banTta hai raushni

raushni mein raat bhigi jal uThi

ham-watan ki kaun dekhe bebasi

bebasi mein gum muhajir ho gae

phul par bhaunre kahin se aa gire

phir bhi hum se puchhta koi nahin

kis ne is dharti pe kyon aa kar sama rakha hai sing

sochta hun kya muhajir ki hai shan

jab ki apne des mein har aadmi

girya-zari kar raha hai

ya-KHudawand

ya-masiha

al-aman