mujhe achchha lagta hai

mujhe achchhe lagte haiñ

bādal jab vo baraste haiñ

aur āñkheñ jin meñ koī bhī baserā kar saktā hai

bakriyāñ aur bachche

jo saḌak paar kar jaate haiñ

aur nahīñ dekh paate us āhanī haath ko

jo un ke ta.āqub meñ dauḌā chalā aatā hai

mujhe achchhe lagte haiñ

Dākiye ke qadam aur insomniyā kī chaa.e

aur bujhī battī kā motor cycle

jo ishāra kāTte hue

raat meñ rāsta banātā guzar jaatā hai

bāġhī niiñd daraḳht aur ḳhvāb

jo is bedārī ke mausam meñ kahīñ dikhā.ī nahīñ dete

mujhe achchhe lagte haiñ

farāġhat aur dukh se bhare din

aur rāteñ jab duur duur tak bārish hotī hai

aur ābā.ī makānoñ kī vo shaam

jab bahnoñ ko ruḳhsat kiyā jaatā hai

pahāḌ ke paar ke añdhiyāre kī jānib

aañsū aur dhuñd jin meñ saaf dekhā jā saktā hai

aur dil jinheñ nishāna banāyā jaatā hai

aur miTTī jis kī jānib hameñ lauTnā hai

mujhe achchhe lagte haiñ

darīche jin se havā guzartī hai

darvāze jo kabhī band nahīñ hote

aur dost jin ke kandhoñ par hamesha haath rakhā jā saktā hai

aur tum

lapakte hue hāthoñ aur duniyā ke darmiyān

kyā kuchh maujūd hai

mujhe achchhe lagte hain

baadal jab wo baraste hain

aur aankhen jin mein koi bhi basera kar sakta hai

bakriyan aur bachche

jo saDak par kar jate hain

aur nahin dekh pate us aahani hath ko

jo un ke taaqub mein dauDa chala aata hai

mujhe achchhe lagte hain

Dakiye ke qadam aur insomniya ki chae

aur bujhi batti ka motor cycle

jo ishaara kaTte hue

raat mein rasta banata guzar jata hai

baghi nind daraKHt aur KHwab

jo is bedari ke mausam mein kahin dikhai nahin dete

mujhe achchhe lagte hain

faraghat aur dukh se bhare din

aur raaten jab dur dur tak barish hoti hai

aur aabai makanon ki wo sham

jab bahnon ko ruKHsat kiya jata hai

pahaD ke par ke andhiyare ki jaanib

aansu aur dhund jin mein saf dekha ja sakta hai

aur dil jinhen nishana banaya jata hai

aur miTTi jis ki jaanib hamein lauTna hai

mujhe achchhe lagte hain

dariche jin se hawa guzarti hai

darwaze jo kabhi band nahin hote

aur dost jin ke kandhon par hamesha hath rakha ja sakta hai

aur tum

lapakte hue hathon aur duniya ke darmiyan

kya kuchh maujud hai