mujhe barish se kahne do

mujhe bārish se kahne do javāñ jazboñ meñ bahne do

ki jab bārish barastī hai havā.eñ sard chaltī haiñ

mujhe vo yaad aate haiñ

mire aañsū bahāte haiñ

mujhe bārish se kahne do

javāñ jazboñ meñ bahne do

mujhe vo raat kā manzar

abhī tak yaad hai sāhab

khulī chhat par tumhāre sañg rah kar bhiig jaanā bhī

mujhe bārish se kahne do

javāñ jazboñ meñ bahne do

tumhārī bāñhoñ kī narmī bhī

tumhārī sāñsoñ kī garmī bhī

mujhe jab yaad aatī hai

bahut aañsū rulātī hai

mujhe bārish se kahne do

ki tum tanhā nahīñ aanā

mirā mahbūb bhī laanā

maiñ us ke saath khelī huuñ

binā us ke akelī huuñ

javāñ jazboñ meñ bahne do

mujhe bārish se kahne do

mujhe barish se kahne do jawan jazbon mein bahne do

ki jab barish barasti hai hawaen sard chalti hain

mujhe wo yaad aate hain

mere aansu bahate hain

mujhe barish se kahne do

jawan jazbon mein bahne do

mujhe wo raat ka manzar

abhi tak yaad hai sahab

khuli chhat par tumhaare sang rah kar bhig jaana bhi

mujhe barish se kahne do

jawan jazbon mein bahne do

tumhaari banhon ki narmi bhi

tumhaari sanson ki garmi bhi

mujhe jab yaad aati hai

bahut aansu rulati hai

mujhe barish se kahne do

ki tum tanha nahin aana

mera mahbub bhi lana

main us ke sath kheli hun

bina us ke akeli hun

jawan jazbon mein bahne do

mujhe barish se kahne do