مجھے اک نظم لکھنی ہے

مجھے اک نظم لکھنی ہے

مگر تم پر نہیں لکھنی

پریشاں ہوں بہت دن سے

مگر جب لکھنا چاہوں تو

تمہارا ہی تصور ہے

مرے اس دل محلے میں

تمہاری یاد کے جگنو

مسلسل جگمگاتے ہیں

مرے ذہن و گماں کی سب

ہی دیواریں ابھی تک ان

چراغوں سے چراغاں ہیں

جو اس تاریک شب میں تم

جلا کر بھول آئے تھے

سنو اب ان چراغوں سے

مری یہ روح جلتی ہے

تمہیں یہ بھی پتا ہے کہ

مجھے جلتی ہوئی شئے کو

بجھانا تک نہیں آتا

کہ جیسے ایک دن تم نے

مری جلتی ہوئی سگریٹ کو

اپنے پاؤں کے نیچے

مسل کر کے بجھایا تھا

جسے اب تک جلانے کی

میں ہمت کر نہیں پایا

تو کیا ایسے ہی تم پھر سے

مرے ذہن و گماں میں جل

رہے ان اپنی یادوں کے

چراغوں کو ہوا دے کر

بجھا دوگے