mujhe us shahr ko jaana hai
maiñ jab us shahr kā qasd kartā huuñ
tumhārī āñkheñ merā rasta rok letī haiñ
tum jāntī ho
merā vahāñ jaanā zarūrī hai
vahāñ mere log haiñ
jin se merā mukālima
ka.ī sadiyoñ se band hai
mujhe us shahr ko jaanā hai
magar is shahr ke baaġh aur parinde
mere paañv pakaḌ lete haiñ
ḳhush-andām do-shīzāoñ ke sīnoñ ke gulāb
merī be-tābiyoñ ke liye
ḳhud ko vā kar dete haiñ
mujhe us shahr ko jaanā hai
magar is shahr ke sab se baḌe tājir ne
merī ārzūeñ mere ḳhvāb
merā saarā asbāb-e-safar ḳharīd liyā hai
main jab us shahr ka qasd karta hun
tumhaari aankhen mera rasta rok leti hain
tum jaanti ho
mera wahan jaana zaruri hai
wahan mere log hain
jin se mera mukalima
kai sadiyon se band hai
mujhe us shahr ko jaana hai
magar is shahr ke bagh aur parinde
mere panw pakaD lete hain
KHush-andam do-shizaon ke sinon ke gulab
meri be-tabiyon ke liye
KHud ko wa kar dete hain
mujhe us shahr ko jaana hai
magar is shahr ke sab se baDe tajir ne
meri aarzuen mere KHwab
mera sara asbab-e-safar KHarid liya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
