mukafat

thakī thakī muzmahil havā ke nahīf jhoñke

ujaaḌ āñgan meñ aa ke kuchh der ruk ga.e the

dabī zabāñ se sunā rahe the

vo peḌ jis ke sunahre pattoñ rupahlī shāḳhoñ pe

ambarīñ phuul gauharīñ phal saje hue the

jhulas chukā hai

vahāñ ke qurb-o-javār meñ kuchh

rivāyateñ aur ajiib qisse bhī

us se mansūb ho ga.e haiñ

magar kisī ko ḳhud apnī tārīk ruuh kā

jaise koī ehsās hī nahīñ hai

thaki thaki muzmahil hawa ke nahif jhonke

ujaD aangan mein aa ke kuchh der ruk gae the

dabi zaban se suna rahe the

wo peD jis ke sunahre patton rupahli shaKHon pe

ambarin phul gauharin phal saje hue the

jhulas chuka hai

wahan ke qurb-o-jawar mein kuchh

riwayaten aur ajib qisse bhi

us se mansub ho gae hain

magar kisi ko KHud apni tarik ruh ka

jaise koi ehsas hi nahin hai