mulk ki mohabbat

jise mulk se apne ulfat nahīñ hai

vo dil qābil-e-afv-o-rahmat nahīñ hai

baḌī chiiz haiñ ittihād-o-mohabbat

baġhair in ke duniyā meñ izzat nahīñ hai

ḳhudāyā vatan kī mohabbat atā kar

ki is ke sivā koī daulat nahīñ hai

ye aapas kī nāchāqiyāñ ḳhatm kar do

koī is se baḌh kar jahālat nahīñ hai

jo ta.alīm detā hai jañg-o-jadal kī

kabhī musleh-e-mulk-o-millat nahīñ hai

jo rakhtā hai aapas meñ buġhz-o-adāvat

vo hargiz sazā-vār-e-azmat nahīñ hai

sikhātā hai jo ḳhud-sarī-o-sharārat

vatan ko ab us kī zarūrat nahīñ hai

ilāhī un āñkhoñ ko be-nūr kar de

jin āñkhoñ meñ nūr-e-muravvat nahīñ hai

jo insān hai ādamiyat se ḳhālī

use jānvar par fazīlat nahīñ hai

nahīñ izzat-e-qaum jis kī nazar meñ

jahāñ meñ kahīñ us kī izzat nahīñ hai

hukūmat vo barbād ho kar rahegī

re.āyā ko jis kī zarūrat nahīñ hai

jise mulk se apne ulfat nahin hai

wo dil qabil-e-afw-o-rahmat nahin hai

baDi chiz hain ittihad-o-mohabbat

baghair in ke duniya mein izzat nahin hai

KHudaya watan ki mohabbat ata kar

ki is ke siwa koi daulat nahin hai

ye aapas ki nachaqiyan KHatm kar do

koi is se baDh kar jahaalat nahin hai

jo talim deta hai jang-o-jadal ki

kabhi musleh-e-mulk-o-millat nahin hai

jo rakhta hai aapas mein bughz-o-adawat

wo hargiz saza-war-e-azmat nahin hai

sikhata hai jo KHud-sari-o-shararat

watan ko ab us ki zarurat nahin hai

ilahi un aankhon ko be-nur kar de

jin aankhon mein nur-e-murawwat nahin hai

jo insan hai aadamiyat se KHali

use jaanwar par fazilat nahin hai

nahin izzat-e-qaum jis ki nazar mein

jahan mein kahin us ki izzat nahin hai

hukumat wo barbaad ho kar rahegi

reaya ko jis ki zarurat nahin hai