mummy papa ye batlao

kyoñ hotā hai nau do gyārah

tiin terah aur nau aThārah

chhakkā panja aur pau bārah

mummy paapā ye batlāo

makḌā kyoñ hai jaalā buntā

saañp kā paañv kyoñ nahīñ hotā

murġhī pahle hai yā anDā

mummy paapā ye batlāo

taaḌ ke nīche kyoñ nahīñ saayā

rang-e-hinā kyoñ laal hai hotā

kyoñ hai gul ke saath hī kāñTā

mummy paapā ye batlāo

uuñT ke muñh meñ ziira kaisā

baḌe bol kā sar kyoñ nīchā

kyoñ kahte haiñ daal meñ kaalā

mummy paapā ye batlāo

hal hone kī nahīñ hai aashā

ye sab hai ik khel-tamāshā

sar na khapāo mummy paapā

kah ga.e apne bhayyā pāshā

kyon hota hai nau do gyarah

tin terah aur nau aThaarah

chhakka panja aur pau barah

mummy papa ye batlao

makDa kyon hai jala bunta

sanp ka panw kyon nahin hota

murghi pahle hai ya anDa

mummy papa ye batlao

taD ke niche kyon nahin saya

rang-e-hina kyon lal hai hota

kyon hai gul ke sath hi kanTa

mummy papa ye batlao

unT ke munh mein zira kaisa

baDe bol ka sar kyon nicha

kyon kahte hain dal mein kala

mummy papa ye batlao

hal hone ki nahin hai aasha

ye sab hai ek khel-tamasha

sar na khapao mummy papa

kah gae apne bhayya pasha