murghi ki musibat

ham ne battaḳh ke chhe anDe

ik murġhī ke nīche rakkhe

phūTe anDe pachchīs din meñ

bol rahe the bachche jin meñ

bachche nikle pyāre pyāre

murġhī kī āñkhoñ ke taare

rang thā piilā choñch meñ laalī

āñkheñ un kī kaalī kaalī

choñch thī chauḌī panja chapTā

baaqī chūzoñ kā sā naqsha

bachche ḳhush the murġhī ḳhush thī

ham bhī ḳhush the vo bhī ḳhush thī

murġhī chugtī kaT kaT kartī

le ke un ko baaġh meñ pahuñchī

jam.a hue vaañ bachche us dam

kausar tāshī niilo mariyam

kausar jo thī chhoTī bachchī

bholī-bhālī aql kī kachchī

us ne jhaT ik chūza le kar

pheñk diyā tālāb ke andar

kī ye sharārat is phurtī se

rah ga.e ham sab na na kahte

chūza jo thā nanhā munnā

ham samjhe bas ab ye Duubā

lekin sāhab vo chūza to

kar gayā hairāñ pal meñ sab ko

paanī se kuchh bhī na Darā vo

pahle jhijkā phir sañbhlā vo

ḳhuub hī tairā chhap chhap kar ke

choñch meñ apnī paanī bhar ke

bachchoñ ne phir baaqī chūze

Daal diye tālāb meñ saare

hone lagī phir ḳhuub ġhaḌap ġhap

chhap chhap chhap chhap chhap chhap chhap chhap

murġhī kāñpī haul ke maare

jā pahuñchī tālāb kināre

kaT kaT kar ke un ko bulāyā

ik bhī bachcha paas na aayā

shāyad vo samjhe nahīñ bolī

baḌh ga.ī aage un kī Tolī

hum ne battaKH ke chhe anDe

ek murghi ke niche rakkhe

phuTe anDe pachchis din mein

bol rahe the bachche jin mein

bachche nikle pyare pyare

murghi ki aankhon ke tare

rang tha pila chonch mein lali

aankhen un ki kali kali

chonch thi chauDi panja chapTa

baqi chuzon ka sa naqsha

bachche KHush the murghi KHush thi

hum bhi KHush the wo bhi KHush thi

murghi chugti kaT kaT karti

le ke un ko bagh mein pahunchi

jama hue wan bachche us dam

kausar tashi nilo mariyam

kausar jo thi chhoTi bachchi

bholi-bhaali aql ki kachchi

us ne jhaT ek chuza le kar

phenk diya talab ke andar

ki ye shararat is phurti se

rah gae hum sab na na kahte

chuza jo tha nanha munna

hum samjhe bas ab ye Duba

lekin sahab wo chuza to

kar gaya hairan pal mein sab ko

pani se kuchh bhi na Dara wo

pahle jhijka phir sanbhla wo

KHub hi taira chhap chhap kar ke

chonch mein apni pani bhar ke

bachchon ne phir baqi chuze

Dal diye talab mein sare

hone lagi phir KHub ghaDap ghap

chhap chhap chhap chhap chhap chhap chhap chhap

murghi kanpi haul ke mare

ja pahunchi talab kinare

kaT kaT kar ke un ko bulaya

ek bhi bachcha pas na aaya

shayad wo samjhe nahin boli

baDh gai aage un ki Toli