mutriba saz uTha

mutriba saaz uThā raat chalī jā.egī

phir vahī giit sunā raat chalī jā.egī

shab kī āġhosh meñ mad.hosh sitāre hoñge

dil pe tanhā.ī ke chalte hue aare hoñge

sub.h phir hogī vahī shoḳh nazāre hoñge

ġham ke māroñ ne kahā raat chalī jā.egī

mutriba saaz uThā raat chalī jā.egī

zulf khole hue barsāt kā mauqa aaya

baad muddat ke mulāqāt kā mauqa aaya

haa.e taqdīr se ye baat kā mauqa aaya

sham-e-umīd jalā raat chalī jā.egī

mutriba saaz uThā raat chalī jā.egī

tujh ko ‘zarrīn’ chamakte hue tāroñ kī qasam

in machaltī huī mad.hosh bahāroñ kī qasam

husn-e-rangīñ kī qasam chāñd sitāroñ kī qasam

dil-rubā lauT bhī aa raat chalī jā.egī

mutriba saaz uThā raat chalī jā.egī

mutriba saz uTha raat chali jaegi

phir wahi git suna raat chali jaegi

shab ki aaghosh mein madhosh sitare honge

dil pe tanhai ke chalte hue aare honge

subh phir hogi wahi shoKH nazare honge

gham ke maron ne kaha raat chali jaegi

mutriba saz uTha raat chali jaegi

zulf khole hue barsat ka mauqa aaya

baad muddat ke mulaqat ka mauqa aaya

hae taqdir se ye baat ka mauqa aaya

sham-e-umid jala raat chali jaegi

mutriba saz uTha raat chali jaegi

tujh ko ‘zarrin’ chamakte hue taron ki qasam

in machalti hui madhosh bahaaron ki qasam

husn-e-rangin ki qasam chand sitaron ki qasam

dil-ruba lauT bhi aa raat chali jaegi

mutriba saz uTha raat chali jaegi