na-ashnai

ye kis ne chehroñ pe taan dī hai

nā-āshnā.ī kī phir se chādar

ki us kī ujlī zamīñ pe maiñ ne

brush se āñkhoñ ke

ek paikar banā diyā thā

vo ek paikar ki jis meñ apne tamām ḳhvāboñ kā ḳhuuñ bharā thā

bahār ban kar khilīñ thiiñ us par

mirī tamanna kī saarī kaliyāñ

magar vahāñ ab baserā kartī hai

nā-āshnā.ī

vo saarī kaliyāñ

shanāsā huuñ jin se umr-bhar kā

khilīñ to ḳhushbū vo nā-āshnā.ī kī mere ghar meñ

basā ga.ī haiñ

mirī nigāhoñ ke saare manzar ko

dasht-e-vīrāñ banā ga.ī haiñ

ye kis ne chehron pe tan di hai

na-ashnai ki phir se chadar

ki us ki ujli zamin pe main ne

brush se aankhon ke

ek paikar bana diya tha

wo ek paikar ki jis mein apne tamam KHwabon ka KHun bhara tha

bahaar ban kar khilin thin us par

meri tamanna ki sari kaliyan

magar wahan ab basera karti hai

na-ashnai

wo sari kaliyan

shanasa hun jin se umr-bhar ka

khilin to KHushbu wo na-ashnai ki mere ghar mein

basa gai hain

meri nigahon ke sare manzar ko

dasht-e-viran bana gai hain