na-bina logon ki zaban

bechāre nā-bīnā log

chaḌh leñ ilm kā ziina log

muñh in se kyoñ moḌeñ ham

ilm se in ko joḌeñ ham

baat na ham ye jaa.eñ bhuul

in ke alag se haiñ schōl

log vahāñ ye paḌhte haiñ

ilm ke ziine chaḌhte haiñ

in kā vahāñ hai apnā nisāb

apnī kitābeñ apnā hisāb

in kī zabāñ kā naam brail

jaise anokhā koī khel

nā-bīnā logoñ kī zabān

apnī alag is kī pahchān

ḳhat bhī nihāyat hai maḳhsūs

uñgliyoñ se kar ke mahsūs

lete haiñ mafhūm vo jaan

vaah re mālik terī shaan

bechaare na-bina log

chaDh len ilm ka zina log

munh in se kyon moDen hum

ilm se in ko joDen hum

baat na hum ye jaen bhul

in ke alag se hain school

log wahan ye paDhte hain

ilm ke zine chaDhte hain

in ka wahan hai apna nisab

apni kitaben apna hisab

in ki zaban ka nam brail

jaise anokha koi khel

na-bina logon ki zaban

apni alag is ki pahchan

KHat bhi nihayat hai maKHsus

ungliyon se kar ke mahsus

lete hain mafhum wo jaan

wah re malik teri shan