na-rasai

nuz.hat-e-shām ne jab raḳht-e-safar bāñdh liyā

dard ne ruuh ko bedārī kā paiġhām diyā

aah nāsūr-e-vafā

ghar se ham ishrat-e-āzād ke shaidā nikle

ho ke jāñ-sozī tanhā.ī se paspā nikle

le kar apne dil-e-bīmār ko tanhā nikle

soch rakkhā thā ki ab yuuñ use bahlā.eñge

raqs meñ mai meñ kisī saaz meñ kho jā.eñge

hosh se aaj to mahrūm se ho jā.eñge

taaki ho jins-e-tamannā ke fusūñ se chhūTe

maslahat kosh bane qaid-e-junūñ se chhūTe

sar se dil-dārī-e-āzād kā saudā nikle

dard miT jaa.e tirī yaad kā kāñTā nikle

lekin is shūmī-e-taqdīr kā kyā ho shikva

sar hī jab nāz-gah-e-vār se ūñchā nikle

nuzhat-e-sham ne jab raKHt-e-safar bandh liya

dard ne ruh ko bedari ka paigham diya

aah nasur-e-wafa

ghar se hum ishrat-e-azad ke shaida nikle

ho ke jaan-sozi tanhai se paspa nikle

le kar apne dil-e-bimar ko tanha nikle

soch rakkha tha ki ab yun use bahlaenge

raqs mein mai mein kisi saz mein kho jaenge

hosh se aaj to mahrum se ho jaenge

taki ho jins-e-tamanna ke fusun se chhuTe

maslahat kosh bane qaid-e-junun se chhuTe

sar se dil-dari-e-azad ka sauda nikle

dard miT jae teri yaad ka kanTa nikle

lekin is shumi-e-taqdir ka kya ho shikwa

sar hi jab naz-gah-e-war se uncha nikle