na-sazgar haalat

tan pe oḌhe hue chādar ġham-e-tanhā.ī kī

aaj bīmār maiñ bistar pe paḌī sochtī huuñ

haal nā-sāz hai merā ye batā.ūñ kis ko

apnī taklīf pareshānī sunā.ūñ kis ko

jab sahā jaatā nahīñ dard to uTh jaatī huuñ

aur phir uTh ke davā zahr sī maiñ khātī huuñ

koī hamdard to hotā kahīñ nazdīk mere

dekh kar dard mirā vo bhī pareshāñ hotā

haath se apne davā detā sahārā detā

yuuñ na ghabrāo mujhe kah ke dilāsa detā

Thiik ho jāogī apne ko sambhālo thoḌā

aur isrār ye kartā chalo khā lo thoḌā

is zamāne meñ huī kis kī tamannā puurī

kaun bad-hāl kī samjhā hai yahāñ majbūrī

tan pe oDhe hue chadar gham-e-tanhai ki

aaj bimar main bistar pe paDi sochti hun

haal na-saz hai mera ye bataun kis ko

apni taklif pareshani sunaun kis ko

jab saha jata nahin dard to uTh jati hun

aur phir uTh ke dawa zahr si main khati hun

koi hamdard to hota kahin nazdik mere

dekh kar dard mera wo bhi pareshan hota

hath se apne dawa deta sahaara deta

yun na ghabrao mujhe kah ke dilasa deta

Thik ho jaogi apne ko sambhaalo thoDa

aur israr ye karta chalo kha lo thoDa

is zamane mein hui kis ki tamanna puri

kaun bad-haal ki samjha hai yahan majburi