na-tamam
Interesting Fact
(سانحہ مشرقی پاکستان کے تناظر میں)
ik ġhazal
misra misra jise
ham ne mil kar utārā thā qirtās par
vo ġhazal
jis ke har harf har lafz har she'r ko
ham ne kandāñ kiyā
lauh-e-ehsās par apne anfās par
vo ġhazal
surḳh hijrat ke juzdān meñ
ham sahīfa samajh kar chhupāte rahe
apnī āñkhoñ se us ko lagāte rahe
us ko paḌhte rahe gungunāte rahe
ek duuje ko ro ro sunāte rahe
aur phir ek din
maut se māvarā vaqt kā azhdahā
chāhatoñ ke kalīsā meñ dāḳhil huā
aur anfās meñ zahr shāmil huā
lauh-e-ehsās se
harf sab uḌ ga.e
lafz sab miT ga.e
vo mukammal ġhazal
misra misra jise
ham ne mil kar utārā thā qirtās par
aur kandāñ kiyā lauh-e-ehsās par
nā-mukammal huī
tum se duurī huī
jo thī puurī ġhazal vo adhūrī huī
ham judā ho ga.e ham alag ho ga.e
aadhe misre tire
aadhe misre mire
ek ghazal
misra misra jise
hum ne mil kar utara tha qirtas par
wo ghazal
jis ke har harf har lafz har she'r ko
hum ne kandan kiya
lauh-e-ehsas par apne anfas par
wo ghazal
surKH hijrat ke juzdan mein
hum sahifa samajh kar chhupate rahe
apni aankhon se us ko lagate rahe
us ko paDhte rahe gungunate rahe
ek duje ko ro ro sunate rahe
aur phir ek din
maut se mawara waqt ka azhdaha
chahaton ke kalisa mein daKHil hua
aur anfas mein zahr shamil hua
lauh-e-ehsas se
harf sab uD gae
lafz sab miT gae
wo mukammal ghazal
misra misra jise
hum ne mil kar utara tha qirtas par
aur kandan kiya lauh-e-ehsas par
na-mukammal hui
tum se duri hui
jo thi puri ghazal wo adhuri hui
hum juda ho gae hum alag ho gae
aadhe misre tere
aadhe misre mere
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
