nakaam ishq

rāh-e-ulfat pe chal ke dekho to

apne ġham se nikal ke dekho to

jis taraf dekho be-qarārī hai

saarī duniyā hī ġham kī maarī hai

yuuñ to kitne hī ḳhūb-sūrat haiñ

ek duuje kī ham zarūrat haiñ

terī yādoñ meñ kho rahe haiñ ham

apnī palkeñ bhigo rahe haiñ ham

merī bātoñ kā e'tibār karo

mere mahbūb mujh se pyaar karo

dar-haqīqat jo 'ishq karte haiñ

phir jo chāheñ vo kar guzarte haiñ

vo mohabbat meñ nā-mukammal haiñ

husn par marne vaale pāgal haiñ

zindagānī hai ḳhatm honā hai

husn faanī hai ḳhatm honā hai

be-zabānoñ kī ham nidā hote

kaash kirdār par fidā hote

ḳhud ye anjām kar ke baiThe haiñ

'ishq-e-nā-kām kar ke baiThe haiñ

rah-e-ulfat pe chal ke dekho to

apne gham se nikal ke dekho to

jis taraf dekho be-qarari hai

sari duniya hi gham ki mari hai

yun to kitne hi KHub-surat hain

ek duje ki hum zarurat hain

teri yaadon mein kho rahe hain hum

apni palken bhigo rahe hain hum

meri baaton ka e'tibar karo

mere mahbub mujh se pyar karo

dar-haqiqat jo 'ishq karte hain

phir jo chahen wo kar guzarte hain

wo mohabbat mein na-mukammal hain

husn par marne wale pagal hain

zindagani hai KHatm hona hai

husn fani hai KHatm hona hai

be-zabanon ki hum nida hote

kash kirdar par fida hote

KHud ye anjam kar ke baiThe hain

'ishq-e-na-kaam kar ke baiThe hain