nam ka patthar

sadr darvāze pe ik naam kā patthar hai abhī

lauh-e-marmar pe hai ye naam jalī harfoñ meñ

mere daadā se hai ye naam jalī harfoñ meñ

ye havelī, ye sin-o-sāl kī ta.amīr qadam

is meñ kuchh log rahā karte the

aaj tak saa.e yahāñ un ke phirā karte haiñ

dil ko har baar gumāñ hotā hai

mere maañ baap, mire bhaa.ī bahan

rauzanoñ se na kahīñ jhāñk rahe hoñ mujh ko

us se vābasta haiñ kitnī bāteñ

shādiyāñ us meñ rachā.ī ga.īñ, shahnā.ī bajī

log ikaTThe hue pakvān lage

aur haañ us se janāze bhī uThe

dard-mandoñ kii, azā-dāroñ kī

marne vaale ke liye

āh-o-zārī kī sadā.eñ gaūñjīñ

duur uftāda laḌakpan kī pukār

umr kī khoī huī rāhoñ se

khīñch laa.ī hai mujhe

ek makḌī kī tarah

sadr darwaze pe ek nam ka patthar hai abhi

lauh-e-marmar pe hai ye nam jali harfon mein

mere dada se hai ye nam jali harfon mein

ye haweli, ye sin-o-sal ki tamir qadam

is mein kuchh log raha karte the

aaj tak sae yahan un ke phira karte hain

dil ko har bar guman hota hai

mere man bap, mere bhai bahan

rauzanon se na kahin jhank rahe hon mujh ko

us se wabasta hain kitni baaten

shadiyan us mein rachai gain, shahnai baji

log ikaTThe hue pakwan lage

aur han us se janaze bhi uThe

dard-mandon ki, aza-daron ki

marne wale ke liye

aah-o-zari ki sadaen gaunjin

dur uftada laDakpan ki pukar

umr ki khoi hui rahon se

khinch lai hai mujhe

ek makDi ki tarah