nafi sare hisabon ki

lapaktā surḳh imkāñ

jo mujhe ā.inda kī

dahlīz par lā kar khaḌā karne kī ḳhvāhish meñ

machaltā hai

mire hāthoñ ko chhū kar

mujh se kahtā hai

tumhārī uñgliyoñ meñ

ḳhuun kam kyuuñ hai

tumhāre nāḳhunoñ meñ zardiyāñ kis ne sajā.ī haiñ

kalā.ī se

nikaltī haDDiyoñ par

uun kam kyuuñ hai

maiñ us se

nā-tavāñ sī ik sadā meñ

pūchhtā huuñ

is se pahle tum kahāñ the

is se pahle bhī yahī saarī zamīneñ thiiñ

yahī sab āsmāñ the

aur merī aañkh meñ

niile hare ke darmiyāñ

ik rañg shāyad aur bhī thā

ab mire andar na jhāñko

mere bātin meñ musalsal tairtī hai ūñghtī duniyā sarāboñ kī

nafī saare hisāboñ kī

lapakta surKH imkan

jo mujhe aainda ki

dahliz par la kar khaDa karne ki KHwahish mein

machalta hai

mere hathon ko chhu kar

mujh se kahta hai

tumhaari ungliyon mein

KHun kam kyun hai

tumhaare naKHunon mein zardiyan kis ne sajai hain

kalai se

nikalti haDDiyon par

un kam kyun hai

main us se

na-tawan si ek sada mein

puchhta hun

is se pahle tum kahan the

is se pahle bhi yahi sari zaminen thin

yahi sab aasman the

aur meri aankh mein

nile hare ke darmiyan

ek rang shayad aur bhi tha

ab mere andar na jhanko

mere baatin mein musalsal tairti hai unghti duniya sarabon ki

nafi sare hisabon ki