naqab jitne hain

safar meñ pesh koī hādisa bhī mumkin hai

zarā se der meñ āh-o-bukā bhī mumkin hai

mirā vajūd kabhī be amaañ na ho jaa.e

ye jism mar ke kahīñ be-nishāñ na ho jaa.e

mirā pata na chale kuchh mirī ḳhabar na mile

guzar huā thā jahāñ se vo rahguzar na mile

shikār ho gayā jab marg-e-nā-gahānī kā

ḳhayāl aa.egā logoñ ko tab nishānī kā

naqāb jitne haiñ mere vo noch Dāleñge

parat utāreñge chehra kharoñch Dāleñge

yahī sabab hai ki jab bhī maiñ ghar se jaatā huuñ

kuchh ehtimām isī Dar se kar ke jaatā huuñ

na koī naqsh na tahrīr apnī rakhtā huuñ

maiñ apnī jeb meñ tasvīr apnī rakhtā huuñ

safar mein pesh koi hadisa bhi mumkin hai

zara se der mein aah-o-buka bhi mumkin hai

mera wajud kabhi be aman na ho jae

ye jism mar ke kahin be-nishan na ho jae

mera pata na chale kuchh meri KHabar na mile

guzar hua tha jahan se wo rahguzar na mile

shikar ho gaya jab marg-e-na-gahani ka

KHayal aaega logon ko tab nishani ka

naqab jitne hain mere wo noch Dalenge

parat utarenge chehra kharonch Dalenge

yahi sabab hai ki jab bhi main ghar se jata hun

kuchh ehtimam isi Dar se kar ke jata hun

na koi naqsh na tahrir apni rakhta hun

main apni jeb mein taswir apni rakhta hun