naqsh-e-faryaadi

naqsh-e-faryādī

banā phirtā huuñ maiñ bāzār meñ

kāġhazī ik pairahan

bas DhūñDhtā-phirtā huuñ maiñ

par vo miltā hī nahīñ

kis tarah apnī shikāyat ke liye pahuñchūñ

bādshāh-e-vaqt ke darbār meñ

bādshāh bad-baḳht hai

har-vaqt rahtā hai madirā meñ asiir

ye madirā vo hai us ke zehn meñ hai jo bharī

is madirā ke hī kāran

us ne apne des ke logoñ ke

hulqūm tak haiñ kaaT Daale

aur sachche nek logoñ aur valiyoñ ke maqābir toḌ ke

nāliyāñ saḌkeñ banā diiñ

ab nihāyat faḳhr se kahtā hai vo

maiñ ḳhudā huuñ is zamāne kā

aur sab ko maar ke

zinda rahūñgā maiñ sadā

naam is kā maiñ kyā luuñ

sab jānte haiñ us kā naam

ai asadullāh ġhālib tum batāo

kyā karūñ

naqsh-e-faryaadi

bana phirta hun main bazar mein

kaghazi ek pairahan

bas DhunDhta-phirta hun main

par wo milta hi nahin

kis tarah apni shikayat ke liye pahunchun

baadshah-e-waqt ke darbar mein

baadshah bad-baKHt hai

har-waqt rahta hai madira mein asir

ye madira wo hai us ke zehn mein hai jo bhari

is madira ke hi karan

us ne apne des ke logon ke

hulqum tak hain kaT Dale

aur sachche nek logon aur waliyon ke maqabir toD ke

naliyan saDken bana din

ab nihayat faKHr se kahta hai wo

main KHuda hun is zamane ka

aur sab ko mar ke

zinda rahunga main sada

nam is ka main kya lun

sab jaante hain us ka nam

ai asadullah ghaalib tum batao

kya karun