naT-khaT chand

ek zarā sā chamkā thā

abhī yahīñ thā kidhar gayā

zarā jhalak dikhlā.ī thī

ek shuā lahrā.ī thī

masjid ke mīnāroñ se

āñgan se galiyāroñ se

kuchh logoñ ne dekhā thā

kyā vo aañkh kā dhokā thā

pal bhar sāmne aayā thā

bijlī sā lahrāyā thā

duur shafaq kī laalī meñ

kaḌve niim kī Daalī meñ

hare bhare pattoñ ke biich

phūloñ aur phaloñ ke biich

abbā jaan ne dekhā thā

ammī jaan ne sochā thā

dekhe un kā beTā bhī

chāñd ke jaisā bachcha bhī

lekin naT-khaT iid kā chāñd

kaisā jhaT-paT iid kā chāñd

ujle gadle bādal meñ

shaam ke maile āñchal meñ

mujh se chhup kar baiThā hai

shāyad mujh se Dartā hai

ek zara sa chamka tha

abhi yahin tha kidhar gaya

zara jhalak dikhlai thi

ek shua lahrai thi

masjid ke minaron se

aangan se galiyaron se

kuchh logon ne dekha tha

kya wo aankh ka dhoka tha

pal bhar samne aaya tha

bijli sa lahraya tha

dur shafaq ki lali mein

kaDwe nim ki Dali mein

hare bhare patton ke bich

phulon aur phalon ke bich

abba jaan ne dekha tha

ammi jaan ne socha tha

dekhe un ka beTa bhi

chand ke jaisa bachcha bhi

lekin naT-khaT id ka chand

kaisa jhaT-paT id ka chand

ujle gadle baadal mein

sham ke maile aanchal mein

mujh se chhup kar baiTha hai

shayad mujh se Darta hai