nau sitambar yaum-e-wafat-e-jigar murad-abaadi

kitnī maġhmūm tabī.at thī aaj

dil kī duniyā meñ qayāmat thī aaj

yaad rah rah ke jigar aate the

vo mohabbat vo haqīqat vo majāz

vo taġhazzul vo tarannum vo gudāz

log dil thaam ke rah jaate the

aaj ke din ne ye kyā zulm kiyā

phir nayā dard nayā zaḳhm diyā

sabr kar ai dil-e-be-tāb-o-hazīñ

ek azmat kā sutūn aur girā

ek mashriq kā charāġh aur bujhā

haif ki maao bhī ab ham meñ nahīñ

dard-e-dil aa.e na aa.e lab tak

ye zamīñ aur falak hai jab tak

yaad ā.eñge hamesha donoñ

har gulistāñ meñ har ik sahrā meñ

chāñd sūraj kī tarah duniyā meñ

jagmagā.eñge hamesha donoñ

aql hairān hai dīvānoñ par

sham.a ehsās hai parvānoñ par

kaun kahtā hai ye nādānī hai

marhala maut kā aatā hai magar

aadmī mar ke bhī rahtā hai amar

ishq har rang meñ lā-fānī hai

kitni maghmum tabiat thi aaj

dil ki duniya mein qayamat thi aaj

yaad rah rah ke jigar aate the

wo mohabbat wo haqiqat wo majaz

wo taghazzul wo tarannum wo gudaz

log dil tham ke rah jate the

aaj ke din ne ye kya zulm kiya

phir naya dard naya zaKHm diya

sabr kar ai dil-e-be-tab-o-hazin

ek azmat ka sutun aur gira

ek mashriq ka charagh aur bujha

haif ki mao bhi ab hum mein nahin

dard-e-dil aae na aae lab tak

ye zamin aur falak hai jab tak

yaad aaenge hamesha donon

har gulistan mein har ek sahra mein

chand suraj ki tarah duniya mein

jagmagaenge hamesha donon

aql hairan hai diwanon par

shama ehsas hai parwanon par

kaun kahta hai ye nadani hai

marhala maut ka aata hai magar

aadmi mar ke bhi rahta hai amar

ishq har rang mein la-fani hai