naya hukm-nama

taġhayyur kā sailāb aayā

to zanjīreñ saarī uThā le gayā

shahanshāhiyat kā

sunahrā samundar havā le ga.ī

aur sab kī nazar

ek kaale amāme kī jānib pur-ummīd ho kar uThī

sunā thā ki kaale amāme ke andar

na.e mausamoñ ke

tilismāt-ḳhānoñ kī sab kunjiyāñ haiñ

magar is amāme ke andar

nayā hukm-nāma

bahut ḳhūb-sūrat se ḳhanjar se lipTā huā so rahā thā

vo jaagā

to chāroñ taraf

ḳhuun kī badliyāñ

qatl kī āñdhiyāñ

shor karne lagīñ

gunahgār kyā

be-gunāhoñ kī saarī safeñ kaT ga.iiñ

ḳhuun hī ḳhuun har samt bahne lagā

aur sab ne lahū kī fasīloñ se dekhā

ki kaalā amāma shahanshāhiyat kā nayā ik samundar

sambhāle khaḌā thā

taghayyur ka sailab aaya

to zanjiren sari uTha le gaya

shahanshahiyat ka

sunahra samundar hawa le gai

aur sab ki nazar

ek kale amame ki jaanib pur-ummid ho kar uThi

suna tha ki kale amame ke andar

nae mausamon ke

tilismat-KHanon ki sab kunjiyan hain

magar is amame ke andar

naya hukm-nama

bahut KHub-surat se KHanjar se lipTa hua so raha tha

wo jaga

to chaaron taraf

KHun ki badliyan

qatl ki aandhiyan

shor karne lagin

gunahgar kya

be-gunahon ki sari safen kaT gain

KHun hi KHun har samt bahne laga

aur sab ne lahu ki fasilon se dekha

ki kala amama shahanshahiyat ka naya ek samundar

sambhaale khaDa tha