naya maktab

ham chāñd nagar par jaate hī kholeñge ek nayā maktab

ta.alīm na hogī jis meñ kabhī sab āzādī se ghūmeñge

ustād paḌheñge darjoñ meñ ham log ḳhushī se ghūmeñge

schōl na jā kar bāġhoñ meñ tafrīh kareñge be-matlab

ham chāñd nagar par jaate hī kholeñge ek nayā maktab

paḌhne ke liye bachchoñ ko jahāñ murġhā na banāyā jā.egā

chāñTe na jamā.e jā.eñge DanDoñ se na piiTā jā.egā

ustād ke maulā-baḳhsh jahāñ dikhlā na sakeñge kuchh kartab

ham chāñd nagar par jaate hī kholeñge ek nayā maktab

jo yaad karegā ḳhuub sabaq tā-umr na hogā paas vahī

jo khel meñ legā dilchaspī paḌhne meñ na hogā fail kabhī

dar-asl hamāre maktab kā hogā har ik dastūr ajab

ham chāñd nagar par jaate hī kholeñge ek nayā maktab

jis din bhī paḌā bīmār koī schōl meñ hogā holiday

do buuñd bhī paanī barsā to ho jā.egā fauran rainy day

hafte meñ to kam se kam chhe din itvār manāeñge ham sab

ham chāñd nagar par jaate hī kholeñge ek nayā maktab

kheleñge kabhī jab ham cricket to ḳhuub uḌā.eñge chhakke

hockey meñ dikhā.eñge vo hunar rah jā.eñge sab hakke-bakke

har team se matcheñ jītegā ham logoñ kā fōtbāl club

ham chāñd nagar par jaate hī kholeñge ek nayā maktab

hum chand nagar par jate hi kholenge ek naya maktab

talim na hogi jis mein kabhi sab aazadi se ghumenge

ustad paDhenge darjon mein hum log KHushi se ghumenge

school na ja kar baghon mein tafrih karenge be-matlab

hum chand nagar par jate hi kholenge ek naya maktab

paDhne ke liye bachchon ko jahan murgha na banaya jaega

chanTe na jamae jaenge DanDon se na piTa jaega

ustad ke maula-baKHsh jahan dikhla na sakenge kuchh kartab

hum chand nagar par jate hi kholenge ek naya maktab

jo yaad karega KHub sabaq ta-umr na hoga pas wahi

jo khel mein lega dilchaspi paDhne mein na hoga fail kabhi

dar-asl hamare maktab ka hoga har ek dastur ajab

hum chand nagar par jate hi kholenge ek naya maktab

jis din bhi paDa bimar koi school mein hoga holiday

do bund bhi pani barsa to ho jaega fauran rainy day

hafte mein to kam se kam chhe din itwar manaenge hum sab

hum chand nagar par jate hi kholenge ek naya maktab

khelenge kabhi jab hum cricket to KHub uDaenge chhakke

hockey mein dikhaenge wo hunar rah jaenge sab hakke-bakke

har team se matchen jitega hum logon ka footbaal club

hum chand nagar par jate hi kholenge ek naya maktab