نیا قاصد

دور حاضر کا پیار بھی ہے جدید

نیند خود گفتگو میں ہے حائل

کھو گئی پیار میں ہے یہ مہوش

سونے والوں میں جو نہیں شامل

جسم لپٹا ہے جس کا بستر میں

ظاہری طور پر ہے بے حرکت

لیکن اس کے ہے ہاتھ میں اک فون

جو ہے قاصد کی اک نئی صورت

پنہاں رشتے نئی جوانی کے

اور دشمن ہے وقت اجالے کا

اس پہ وہ کر رہی ہے کچھ ٹائپ

کر دے دل خوش جو پڑھنے والے کا

بے خبر والدین سو رہے ہیں

ڈرتی ہے ہو کسی کو اس پہ نہ شک

رات کے تین بج چکے ہیں مگر

ان کی بیٹی ہے جاگتی اب تک