naya qasid

daur-e-hāzir kā pyaar bhī hai jadīd

niiñd ḳhud guftugū meñ hai haa.il

kho ga.ī pyaar meñ hai ye mahvash

sone vāloñ meñ jo nahīñ shāmil

jism lipTā hai jis kā bistar meñ

zāhirī taur par hai be-harakat

lekin us ke hai haath meñ ik phone

jo hai qāsid kī ik na.ī sūrat

pinhāñ rishte na.ī javānī ke

aur dushman hai vaqt ujāle kā

is pe vo kar rahī hai kuchh Type

kar de dil ḳhush jo paḌhne vaale kā

be-ḳhabar vāldain so rahe haiñ

Dartī hai ho kisī ko us pe na shak

raat ke tiin baj chuke haiñ magar

un kī beTī hai jāgtī ab tak

daur-e-hazir ka pyar bhi hai jadid

nind KHud guftugu mein hai hail

kho gai pyar mein hai ye mahwash

sone walon mein jo nahin shamil

jism lipTa hai jis ka bistar mein

zahiri taur par hai be-harakat

lekin us ke hai hath mein ek phone

jo hai qasid ki ek nai surat

pinhan rishte nai jawani ke

aur dushman hai waqt ujale ka

is pe wo kar rahi hai kuchh Type

kar de dil KHush jo paDhne wale ka

be-KHabar waldain so rahe hain

Darti hai ho kisi ko us pe na shak

raat ke tin baj chuke hain magar

un ki beTi hai jagti ab tak