nazar-nazar mein Dar kar dil-o-jigar pe war kar

nazar-nazar meñ Daar kar dil-o-jigar pe vaar kar

tū ḳhud bhī be-qarār ho mujhe bhī be-qarār kar

hai pyaar gar gunāh to gunāh bār-bār kar

hasīñ hai kis qadar hasīñ samāñ ye dekh ham-nashīñ

‘ufuq pe āsmān se gale hai mil rahī zamīñ

mujhe bhī bas isī tarah sanam tū ham-kanār kar

hai pyaar gar gunāh to gunāh bār-bār kar

vo sāġhar-e-sharāb ho ki bahr-e-‘ishq dil-rubā

kahāñ hai tairne meñ vo jo Dūbne meñ hai maza

tū Dūb-Dūb duub jā hijāb sab utaar kar

hai pyaar gar gunāh to gunāh bār-bār kar

na fikr kar jahān kā na aan kā na baan kā

tū ahl-e-shauq hai to kyoñ ḳhayāl jhūTī shaan kā

jahāñ huā ‘adū to kyā tū ḳhud pe e’tibār kar

hai pyaar gar gunāh to gunāh bār-bār kar

chhupā na rāz-e-'ishq ab jalā na dil ko be-sabab

na baiTh yuuñ muhr-ba-lab batā de dil kī baat sab

zabāñ se hai muhāl to nazar se āshkār kar

hai pyaar gar gunāh to gunāh bār-bār kar

yā mujh ko tū sameT le yā mujh meñ tū simaT sanam

bhulā bhulā bhulā sanam bhulā de saare ranj-o-ġham

na fikr-e-rozgār kar tū sirf pyaar pyaar kar

hai pyaar gar gunāh to gunāh bār-bār kar

nazar-nazar mein Dar kar dil-o-jigar pe war kar

tu KHud bhi be-qarar ho mujhe bhi be-qarar kar

hai pyar gar gunah to gunah bar-bar kar

hasin hai kis qadar hasin saman ye dekh ham-nashin

‘ufuq pe aasman se gale hai mil rahi zamin

mujhe bhi bas isi tarah sanam tu ham-kanar kar

hai pyar gar gunah to gunah bar-bar kar

wo saghar-e-sharab ho ki bahr-e-‘ishq dil-ruba

kahan hai tairne mein wo jo Dubne mein hai maza

tu Dub-Dub dub ja hijab sab utar kar

hai pyar gar gunah to gunah bar-bar kar

na fikr kar jahan ka na aan ka na ban ka

tu ahl-e-shauq hai to kyon KHayal jhuTi shan ka

jahan hua ‘adu to kya tu KHud pe e’tibar kar

hai pyar gar gunah to gunah bar-bar kar

chhupa na raaz-e-'ishq ab jala na dil ko be-sabab

na baiTh yun muhr-ba-lab bata de dil ki baat sab

zaban se hai muhaal to nazar se aashkar kar

hai pyar gar gunah to gunah bar-bar kar

ya mujh ko tu sameT le ya mujh mein tu simaT sanam

bhula bhula bhula sanam bhula de sare ranj-o-gham

na fikr-e-rozgar kar tu sirf pyar pyar kar

hai pyar gar gunah to gunah bar-bar kar