nazm

ek duuje pe aasrā kareñge

ham-safar dar-ba-dar rahā kareñge

chhoḌ deñge ye sciencī duniyā

ḳhud se technology judā kareñge

kohsāroñ kī ūñchī ġhāroñ meñ

ḳhāmushī se mukālima kareñge

itnā socheñge apne baare meñ

ḳhud ko insān se ḳhudā kareñge

tang paḌne lagī zamīn agar

āsmāñ se muāmla kareñge

biij bo.eñge phuul ugā.eñge

aur ye kaam jā-ba-jā kareñge

rah meñ rah jaane vaalī ḳhushbū kā

ham havā se mutālba kareñge

ḳhushk aḳhroT mausamī injīr

shahad paanī se nāshta kareñge

mausamoñ par kiyā kareñge yaqīñ

pāniyoñ par chalā phirā kareñge

dhuup meñ ūñghte pahāḌoñ ko

qahqahoñ se jagā diyā kareñge

jo parinda sunā.e kalima ḳhair

us ke haq meñ duā kiyā kareñge

bādaloñ se kareñge rāz-o-niyāz

dukh havā se kahā sunā kareñge

ham utāreñge shaam bastī par

raat ko din se ham judā kareñge

kis ne p hai sharāb ġhālib c

miir sā ishq log kyā kareñge

ek duje pe aasra karenge

ham-safar dar-ba-dar raha karenge

chhoD denge ye scienci duniya

KHud se technology juda karenge

kohsaron ki unchi ghaaron mein

KHamushi se mukalima karenge

itna sochenge apne bare mein

KHud ko insan se KHuda karenge

tang paDne lagi zamin agar

aasman se muamla karenge

bij boenge phul ugaenge

aur ye kaam ja-ba-ja karenge

rah mein rah jaane wali KHushbu ka

hum hawa se mutalba karenge

KHushk aKHroT mausami injir

shahad pani se nashta karenge

mausamon par kiya karenge yaqin

paniyon par chala phira karenge

dhup mein unghte pahaDon ko

qahqahon se jaga diya karenge

jo parinda sunae kalima KHair

us ke haq mein dua kiya karenge

baadalon se karenge raaz-o-niyaz

dukh hawa se kaha suna karenge

hum utarenge sham basti par

raat ko din se hum juda karenge

kis ne p hai sharab ghaalib c

mir sa ishq log kya karenge