nazm

ik ishāre se dīvār-e-dil kī darāḌoñ meñ tū ne jo raushan kiye the charāġh

un ke bujhne kā dukh ek jaisā hai donoñ taraf

aaj bhī yaad hai duur se terī āvāz kānoñ meñ paḌtī to kuchh bhī sunā.ī na detā

kaash tū apne zindāñ se mujh ko rihā.ī na detā

kaun biite hue ḳhvāb par ḳhaak Daale

kaun itnī ġhalat-fahmiyoñ kā izāla kare

kis se pūchheñ vabā aur vafā meñ banā.e hue be-takalluf ta'alluq

kī umreñ agar muḳhtasar haiñ to kyoñ haiñ

kaun bhūle amāvas kī rātoñ sī zulfoñ kī rā’nā.iyāñ

kaun dil se hayā-dār āñkhoñ kī yādeñ miTā de

dost kis ko mafar hai yahāñ be-yaqīnī ke sail-e-balā se

dost kashtī sañbhālī nahīñ jā rahī ab tire nā-ḳhudā se

maiñ ne terī rifāqat meñ jitnī guzārī mire saath tere dilāse kī barsāt aur tere bole hue lafz kī har tasallī hamesha rahī hai

maiñ ne tārīk rahdāriyoñ meñ kabhī terī āñkhoñ kī kirnoñ kī be-faizagī kā gila kar liyā

mūnis-e-jān aisā bhī kyā kar liyā

ġham to tab thā ki maiñ tere jaane kā ġham bhī na kartā

mere din merī rāteñ tire sāmne haiñ

batā haath kab thāmne haiñ

ek ishaare se diwar-e-dil ki daraDon mein tu ne jo raushan kiye the charagh

un ke bujhne ka dukh ek jaisa hai donon taraf

aaj bhi yaad hai dur se teri aawaz kanon mein paDti to kuchh bhi sunai na deta

kash tu apne zindan se mujh ko rihai na deta

kaun bite hue KHwab par KHak Dale

kaun itni ghalat-fahmiyon ka izala kare

kis se puchhen waba aur wafa mein banae hue be-takalluf ta'alluq

ki umren agar muKHtasar hain to kyon hain

kaun bhule amawas ki raaton si zulfon ki ra’naiyan

kaun dil se haya-dar aankhon ki yaaden miTa de

dost kis ko mafar hai yahan be-yaqini ke sail-e-bala se

dost kashti sanbhaali nahin ja rahi ab tere na-KHuda se

main ne teri rifaqat mein jitni guzari mere sath tere dilase ki barsat aur tere bole hue lafz ki har tasalli hamesha rahi hai

main ne tarik rahdariyon mein kabhi teri aankhon ki kirnon ki be-faizagi ka gila kar liya

munis-e-jaan aisa bhi kya kar liya

gham to tab tha ki main tere jaane ka gham bhi na karta

mere din meri raaten tere samne hain

bata hath kab thamne hain