nazm ki shaera

jis ke sheroñ kī laḌiyāñ...

mohabbat ke māthe kā siñghār thiiñ

jis ke be-tāb jazboñ kī mīThī kasak

lutf kī dāstānoñ kā unvān thī

jo gulābī rutoñ kā mahaktā huā surḳh paimān thī

aaj ḳhāmosh hai...

nafratoñ ke alaav se uThtā dhuāñ

zard shāmoñ ke is mātamī ahd ko...

de gayā hai sulagte lahū kī humak

phuul kā ishq pesha gulābī badan

qabr ke zard katbe kā darbān hai

titliyāñ mar chukīñ!

chāñd ḳhāmosh hai...

jugnuoñ kā qabīla siyah-posh hai

nazm kī shā.era!

marsiye māñgtī, be-gunāhī kā taaza lahū thūktī

uḌte bārūd ke zahr se khāñstī

hāñptī-kāñptī nazm kaise likhe

jis ke sheron ki laDiyan

mohabbat ke mathe ka singhaar thin

jis ke be-tab jazbon ki miThi kasak

lutf ki dastanon ka unwan thi

jo gulabi ruton ka mahakta hua surKH paiman thi

aaj KHamosh hai

nafraton ke alaw se uThta dhuan

zard shamon ke is matami ahd ko

de gaya hai sulagte lahu ki humak

phul ka ishq pesha gulabi badan

qabr ke zard katbe ka darban hai

titliyan mar chukin!

chand KHamosh hai

jugnuon ka qabila siyah-posh hai

nazm ki shaera!

marsiye mangti, be-gunahi ka taza lahu thukti

uDte barud ke zahr se khansti

hanpti-kanpti nazm kaise likhe