nazm

maiñ sapnoñ meñ

oxygen plant install kar rahā huuñ

aur har marne vaale ke saath mar rahā huuñ

maiñ apne lafzoñ ke zariye

tumheñ sāñsoñ ke cylinder bhejūñgā

jo tumheñ is jang meñ hārne nahīñ deñge

aur tumhārī dekh-bhāl karne

vāloñ ke hāthoñ ko kāñpne nahīñ deñge

oxygen stock ḳhatm hone kī

ḳhabreñ gardish bhī kareñ bhī to kyā

maiñ tumhāre liye

apne nazmoñ se ventilator banā.ūñgā

aspatāloñ ke bistar bhar bhī jaa.eñ

kuchh log tum se bichhaḌ bhī jaa.eñ

to hausla mat hārnā

kyoñ ki raat jitnī chāhe

marzī kaalī ho guzar jaane ke liye hotī hai

rang utar jaane ke liye hote haiñ

aur zaḳhm bhar jaane ke liye hote haiñ

main sapnon mein

oxygen plant install kar raha hun

aur har marne wale ke sath mar raha hun

main apne lafzon ke zariye

tumhein sanson ke cylinder bhejunga

jo tumhein is jang mein haarne nahin denge

aur tumhaari dekh-bhaal karne

walon ke hathon ko kanpne nahin denge

oxygen stock KHatm hone ki

KHabren gardish bhi karen bhi to kya

main tumhaare liye

apne nazmon se wentilator banaunga

aspatalon ke bistar bhar bhi jaen

kuchh log tum se bichhaD bhi jaen

to hausla mat haarna

kyon ki raat jitni chahe

marzi kali ho guzar jaane ke liye hoti hai

rang utar jaane ke liye hote hain

aur zaKHm bhar jaane ke liye hote hain