nazm

mire taḳhayyul ko bolne kā hunar nahīñ thā

hurūf jitne ḳhirad kī farhang meñ paḌe the

maiñ un ko chunñe ke fan se vāqif thā aur tartīb jāntā thā

maiñ sab tarākīb jāntā thā

magar kamī thī

kamī bhī aisī ki jis se alfāz nīm-murda se lag rahe the

maiñ saare gur aazmā ke jab thak gayā to cigarette jalā liyā thā

aur āñkheñ mūñde tire ḳhayāloñ meñ kho gayā thā

us ek lamhe ḳhirad kī farhang meñ likhe sab hurūf rangīn ho rahe the

tire sarāpe ko dekhte hī hurūf saare qalam se qirtās par utarne ko haath bāñdhe khaḌe hue the

ki jaise tere ġhulām hoñ sab

mire taḳhayyul ko bolne kā hunar milā

nazm ho ga.ī thī

mere taKHayyul ko bolne ka hunar nahin tha

huruf jitne KHirad ki farhang mein paDe the

main un ko chunne ke fan se waqif tha aur tartib jaanta tha

main sab tarakib jaanta tha

magar kami thi

kami bhi aisi ki jis se alfaz nim-murda se lag rahe the

main sare gur aazma ke jab thak gaya to cigarette jala liya tha

aur aankhen munde tere KHayalon mein kho gaya tha

us ek lamhe KHirad ki farhang mein likhe sab huruf rangin ho rahe the

tere sarape ko dekhte hi huruf sare qalam se qirtas par utarne ko hath bandhe khaDe hue the

ki jaise tere ghulam hon sab

mere taKHayyul ko bolne ka hunar mila

nazm ho gai thi