nazm

ḳhazānoñ ko tum DhūñDne par musir ho

Tapaktā hai ḳhuuñ nāḳhunoñ se aur āñkhoñ se

khoī huī niiñd kī talḳh surḳhī

ye khetoñ kī jiitī jaḌeñ kāTte phāvḌe aur kudāleñ

maiñ ḳhud maut ke haath jis ke tamasḳhur

se tum be-ḳhabar ho

hathelī par umr aur dil kī lakīroñ meñ aTke

ye maddham se zarre ki jin meñ abhī tak tumhāre

ab vajd kī miTTī

kī ik jhilmilātī kiran kitne zarḳhez va.adoñ

ke din-rāt tajtī huī is ghaḌī

qaid meñ hai

tumhārī tarah vo ḳhazānoñ pe baiThe hue saañp

taaza lahū pī ke phir se kisī kho.e nashe

kī jannat meñ ghulne

ḳhayālī azāboñ meñ jalne kī hairat se goyā

sarāpā zar-o-sīm kī yaḳh salāḳheñ aur āñkheñ

bilor aur hiire

ḳhazāne to sab ḳhaak meñ mil chuke haiñ

havā aur havas ke purāne Thikānoñ pe ab nau-ba-nau

phuul hasrat ke dekho

ye miTTī ki chup hai bas us ke dafīne

baras ke baras chaar din phuul pattoñ kī liilā

ye miTTī tumheñ DhūñDtī hai

KHazanon ko tum DhunDne par musir ho

Tapakta hai KHun naKHunon se aur aankhon se

khoi hui nind ki talKH surKHi

ye kheton ki jiti jaDen kaTte phawDe aur kudalen

main KHud maut ke hath jis ke tamasKHur

se tum be-KHabar ho

hatheli par umr aur dil ki lakiron mein aTke

ye maddham se zarre ki jin mein abhi tak tumhaare

ab wajd ki miTTi

ki ek jhilmilati kiran kitne zarKHez wadon

ke din-raat tajti hui is ghaDi

qaid mein hai

tumhaari tarah wo KHazanon pe baiThe hue sanp

taza lahu pi ke phir se kisi khoe nashe

ki jannat mein ghulne

KHayali azabon mein jalne ki hairat se goya

sarapa zar-o-sim ki yaKH salaKHen aur aankhen

bilor aur hire

KHazane to sab KHak mein mil chuke hain

hawa aur hawas ke purane Thikanon pe ab nau-ba-nau

phul hasrat ke dekho

ye miTTi ki chup hai bas us ke dafine

baras ke baras chaar din phul patton ki lila

ye miTTi tumhein DhunDti hai