nazm

na jaane kitne din guzre

na koī call na message

na koī rābta rakhā

tumheñ maiñ yaad to huuñ nā

yā mujh ko bhuul baiThe ho

kahāñ apnā hamesha saath rahne kā irāda thā

ki chāhe jo bhī ho jaa.e kabhī bhī ham na bichhḌeñge

tumhārā bhī to va.ada thā

tumheñ mālūm hai kaise tumhāre bin rahā huuñ maiñ

maiñ shab bhar jāgtā aur chāñd se bāteñ kiyā kartā

kahīñ jab baat aatī thī tumhāre husn kī to maiñ

ulajh paḌtā thā us se bhī

tumhāre husn ke haq meñ dalīleñ merī sun sun kar

sitāre hañsne lagte the

tumhārī vāpsī ke ḳhvāb mujh ko din meñ aate the

are dekho ye maiñ bhī nā

baḌā pāgal huuñ jān-e-jāñ

ye bhī kyā vaqt hai koī shikāyat kā

chalo chhoḌo haTāo sab

janam-din hai tumhārā aaj

ki shikve aur shikāyat ko to saarī umr baaqī hai

tumheñ ye din mubārak ho

tumhārā din mubārak ho

na jaane kitne din guzre

na koi call na message

na koi rabta rakha

tumhein main yaad to hun na

ya mujh ko bhul baiThe ho

kahan apna hamesha sath rahne ka irada tha

ki chahe jo bhi ho jae kabhi bhi hum na bichhDenge

tumhaara bhi to wada tha

tumhein malum hai kaise tumhaare bin raha hun main

main shab bhar jagta aur chand se baaten kiya karta

kahin jab baat aati thi tumhaare husn ki to main

ulajh paDta tha us se bhi

tumhaare husn ke haq mein dalilen meri sun sun kar

sitare hansne lagte the

tumhaari wapsi ke KHwab mujh ko din mein aate the

are dekho ye main bhi na

baDa pagal hun jaan-e-jaan

ye bhi kya waqt hai koi shikayat ka

chalo chhoDo haTao sab

janam-din hai tumhaara aaj

ki shikwe aur shikayat ko to sari umr baqi hai

tumhein ye din mubarak ho

tumhaara din mubarak ho