nazm

''mashkīze kā paanī usī ret par Daal do

aur nañge paañv mere pīchhe chale aao''

maiñ ne saarā paanī ret par girā diyā

aur nañge paañv us ke pīchhe ho liyā

ka.ī sahrā ham ne ubuur kar Daale

zahrīle kāñToñ aur zahrīle kīḌoñ par paañv rakhte hue

ham aage baḌhte rahe

achānak mujhe mahsūs huā

ki maiñ to sahrā meñ akelā hī chalā jā rahā huuñ

to kyā us ne mere saath dhokā kiyā?

maiñ to sahrā ke biich samt kā ta.ayyun karne se bhī qāsir thā

vo chand qadam aage hī to thā mujh se

phir vo achānak jaane kis bil meñ chhup gayā

maiñ ne use bahut pukārā

lekin merī āvāz to sahrā meñ aise bikhar kar rah ga.ī

jaise mere mashkīze kā paanī

ret meñ jazb ho gayā thā

jab tum sahrā meñ apnā mashkīza chhoḌ aa.e

jab tum ek saañp ke saath ho liye

aur tumheñ patā hī na chalā ki vo kis bil meñ jā chhupā hai

to tumhāre pair ragaḌne se

sahrā meñ chashma to ubalne se rahā

mere mashkīze meñ paanī nahīñ thā

mere paañv nañge the

mujhe kisī manzil kā patā nahīñ thā

aur kisī samt kā ta.ayyun tak karne se

maiñ qāsir thā

mere paas bas ek hī rāsta rah gayā thā

so maiñ ne apne paañv se kāñTā nikālā

aur ret meñ bo diyā

chand ghanToñ meñ vo ek sāya-dār daraḳht meñ tabdīl ho gayā

aur us meñ ajiib o ġharīb phal paidā ho ga.e

maiñ zahrīle

aur ġhair zahrīle phaloñ meñ tamīz nahīñ kar saktā thā

aur mere liye

koī manñ o salvā bhī āsmān se utartā nahīñ thā

so maiñ ne in phaloñ ko raġhbat se khāyā

itne meñ shaam ho ga.ī

aur sahrā kī tārīkī meñ

sahrā ke zahrīle kiiḌe makoḌe

apne biloñ se nikal kar mere badan se chimaT ga.e

kursī par nīm-darāz ho jaatā hai

ham donoñ

koī baat nahīñ karte

na cigarette jalāne ke liye

ek dūsre ko lighter pesh karte haiñ

us kā bas chale to vo mujhe halāk kar de

mere bhī us ke baare meñ

yahī kuchh jazbāt haiñ

is ke bāvajūd

jab bhī maiñ use bulātā huuñ

vo aa jaatā hai

mere bulāve meñ na isrār hotā hai

na dhamkī

na koī shart

ye vo bhī jāntā hai

mere bulāve meñ

kisī ḳhvāhish kī ramaq nahīñ

ham donoñ

kisī bhī din

apne qarīb tarīn sutūn kī oT le kar

ek dūsre ko nishāna banāne kī koshish kar sakte haiñ

lekin

zinda bachne vaale ke muqāble meñ

mar jaane vaalā

ziyādā ḳhush-nasīb sābit hogā

bachne vaale ko

halāk hone vaale kā jism

uThā kar chalnā hogā

us ke ḳhuun ālūd kapḌe utaar kar

use saaf suthre kapḌe pahnāne hoñge

marne vaale kī laash ko

kisī bhī qism ke ḳhurdbīnī kīḌoñ se

mahfūz rakhne ke liye

jatan karnā hoñge

phir us kī laash ko

sahārā de kar

kisī ārām-dah kursī par baiThānā hogā

us ke muñh se cigarette lagānā hogā

use lighter bhī pesh karnā hogā

balki us kī maut ko

apnī maut samajhte hue

do qabreñ

barābar khodnī hoñgī

baseñ aur kāreñ un ke qarīb aa kar

daraḳhtoñ ko chhūtī haiñ

aur unheñ

saḌak ke daa.eñ yā baa.eñ haTāne meñ juT jaatī haiñ

lekin usī daurān

sharāb kī bū unheñ bhī

bad-mast kar detī hai

vo bhī saḌak ke bīchoñ-bīch nāchne lagtī haiñ

phir to bal khātī saḌak bhī

uTh khaḌī hotī hai

aur Thumke lagāne lagtī hai

ghar thartharā uThte haiñ

un meñ so.e hue makīn

haḌbaḌā kar jaag jaate haiñ

unheñ apnī āñkhoñ par yaqīn nahīñ aatā

sharābī daraḳhtoñ

nashe meñ dhut basoñ, kāroñ

aur bad-mast nāchtī saḌak ko

shahr meñ basne vaale logoñ kī

koī parvā nahīñ

ye dekh kar

aadmī kā nasha

hiran ho jaatā hai

mashkize ka pani usi ret par Dal do

aur nange panw mere pichhe chale aao

main ne sara pani ret par gira diya

aur nange panw us ke pichhe ho liya

kai sahra hum ne ubur kar Dale

zahrile kanTon aur zahrile kiDon par panw rakhte hue

hum aage baDhte rahe

achanak mujhe mahsus hua

ki main to sahra mein akela hi chala ja raha hun

to kya us ne mere sath dhoka kiya?

main to sahra ke bich samt ka tayyun karne se bhi qasir tha

wo chand qadam aage hi to tha mujh se

phir wo achanak jaane kis bil mein chhup gaya

main ne use bahut pukara

lekin meri aawaz to sahra mein aise bikhar kar rah gai

jaise mere mashkize ka pani

ret mein jazb ho gaya tha

jab tum sahra mein apna mashkiza chhoD aae

jab tum ek sanp ke sath ho liye

aur tumhein pata hi na chala ki wo kis bil mein ja chhupa hai

to tumhaare pair ragaDne se

sahra mein chashma to ubalne se raha

mere mashkize mein pani nahin tha

mere panw nange the

mujhe kisi manzil ka pata nahin tha

aur kisi samt ka tayyun tak karne se

main qasir tha

mere pas bas ek hi rasta rah gaya tha

so main ne apne panw se kanTa nikala

aur ret mein bo diya

chand ghanTon mein wo ek saya-dar daraKHt mein tabdil ho gaya

aur us mein ajib o gharib phal paida ho gae

main zahrile

aur ghair zahrile phalon mein tamiz nahin kar sakta tha

aur mere liye

koi mann o salwa bhi aasman se utarta nahin tha

so main ne in phalon ko raghbat se khaya

itne mein sham ho gai

aur sahra ki tariki mein

sahra ke zahrile kiDe makoDe

apne bilon se nikal kar mere badan se chimaT gae

kursi par nim-daraaz ho jata hai

hum donon

koi baat nahin karte

na cigarette jalane ke liye

ek dusre ko lighter pesh karte hain

us ka bas chale to wo mujhe halak kar de

mere bhi us ke bare mein

yahi kuchh jazbaat hain

is ke bawajud

jab bhi main use bulata hun

wo aa jata hai

mere bulawe mein na israr hota hai

na dhamki

na koi shart

ye wo bhi jaanta hai

mere bulawe mein

kisi KHwahish ki ramaq nahin

hum donon

kisi bhi din

apne qarib tarin sutun ki oT le kar

ek dusre ko nishana banane ki koshish kar sakte hain

lekin

zinda bachne wale ke muqable mein

mar jaane wala

ziyaada KHush-nasib sabit hoga

bachne wale ko

halak hone wale ka jism

uTha kar chalna hoga

us ke KHun aalud kapDe utar kar

use saf suthre kapDe pahnane honge

marne wale ki lash ko

kisi bhi qism ke KHurdbini kiDon se

mahfuz rakhne ke liye

jatan karna honge

phir us ki lash ko

sahaara de kar

kisi aaram-dah kursi par baiThana hoga

us ke munh se cigarette lagana hoga

use lighter bhi pesh karna hoga

balki us ki maut ko

apni maut samajhte hue

do qabren

barabar khodni hongi

basen aur karen un ke qarib aa kar

daraKHton ko chhuti hain

aur unhen

saDak ke daen ya baen haTane mein juT jati hain

lekin usi dauran

sharab ki bu unhen bhi

bad-mast kar deti hai

wo bhi saDak ke bichon-bich nachne lagti hain

phir to bal khati saDak bhi

uTh khaDi hoti hai

aur Thumke lagane lagti hai

ghar tharthara uThte hain

un mein soe hue makin

haDbaDa kar jag jate hain

unhen apni aankhon par yaqin nahin aata

sharabi daraKHton

nashe mein dhut bason, karon

aur bad-mast nachti saDak ko

shahr mein basne wale logon ki

koi parwa nahin

ye dekh kar

aadmi ka nasha

hiran ho jata hai