nazm

maiñ use bulātā huuñ

aur vo aa jaatā hai

merī kitāboñ ke varaq ulaT palaT kartā hai

phir vo merī mez par paañv rakh kar

us kī maañ ne bhī us ke saath yahī sulūk kiyā thā

aur us kī maañ ke saath

aur us kī maañ ne bhī

to kyā tum ne apnī maañ ko muaaf kar diyā thaa?

aur kyā lauT ke aane vaalī maañ

pahle vaalī maañ hī thii?

mere savālāt par merī maañ kī nazreñ jhuk ga.ī thiiñ

hameñ janm dene vaalī maa.eñ

aur hamārī parvarish karne vaale baap

ek din ham se jhuuT bol kar nikalte haiñ

aur jab vo lauT kar aate haiñ

to vo vo nahīñ hote

hamāre savālāt par

un kī nigāheñ nīchī hotī haiñ

aaj maiñ apne bachche se jhuuT bol kar ghar se niklā huuñ

aur bas kyā batā.ūñ

maiñ apne ghar kā rāsta bhuul gayā huuñ

main use bulata hun

aur wo aa jata hai

meri kitabon ke waraq ulaT palaT karta hai

phir wo meri mez par panw rakh kar

us ki man ne bhi us ke sath yahi suluk kiya tha

aur us ki man ke sath

aur us ki man ne bhi

to kya tum ne apni man ko muaf kar diya tha?

aur kya lauT ke aane wali man

pahle wali man hi thi?

mere sawalat par meri man ki nazren jhuk gai thin

hamein janm dene wali maen

aur hamari parwarish karne wale bap

ek din hum se jhuT bol kar nikalte hain

aur jab wo lauT kar aate hain

to wo wo nahin hote

hamare sawalat par

un ki nigahen nichi hoti hain

aaj main apne bachche se jhuT bol kar ghar se nikla hun

aur bas kya bataun

main apne ghar ka rasta bhul gaya hun