nazm

tum chāk-garebāñ ho ham bhī tahī-dāmāñ haiñ

tum ham se gurezāñ ho ham tum se gurezāñ haiñ

tum nok-e-qalam jānāñ ik nazm-e-fuġhāñ likkho

jo bol na paao vo sab harf-e-nihāñ likkho

kuchh harf-e-duā likho kuchh bahr-e-ḳhudā likho

jo naqsh hue dil par vo naqsh-e-vafā likho

phir yaad karoge tum jab paas na ho.egī

āġhosh-e-lahad meñ jab dam-sāz ye so.egī

dohrāoge sab bāteñ jo tum se kahā kartī

jo suntī tumhārī bhī kuchh apnī kahā kartī

ilzām bhī tum doge phir gardish-e-daurāñ ko

aur yaad karoge is ḳhāmosh nigahbāñ ko

tum chaak-gareban ho hum bhi tahi-daman hain

tum hum se gurezan ho hum tum se gurezan hain

tum nok-e-qalam jaanan ek nazm-e-fughan likkho

jo bol na pao wo sab harf-e-nihan likkho

kuchh harf-e-dua likho kuchh bahr-e-KHuda likho

jo naqsh hue dil par wo naqsh-e-wafa likho

phir yaad karoge tum jab pas na hoegi

aaghosh-e-lahad mein jab dam-saz ye soegi

dohraoge sab baaten jo tum se kaha karti

jo sunti tumhaari bhi kuchh apni kaha karti

ilzam bhi tum doge phir gardish-e-dauran ko

aur yaad karoge is KHamosh nigahban ko