nazm

us se kahnā

mirī zindagānī meñ bas rā.igānī rahī

jitne manzar mirī aañkh meñ terī sūrat se ḳhālī ga.e rā.egāñ

jitnī rāteñ tirī yaad se baaz rah kar guzārī ga.iiñ rā.egāñ

jitnī nīñdeñ pare tere ḳhvāboñ se thiiñ ratjagoñ se ziyāda girāñ

terā milnā faqat hāsil-e-zīst Thahrā

tirī ḳhair ho

varna sab jitnī sāñseñ bharī is safar meñ

tirā haath hāthoñ meñ jab jab nahīñ thā

vo sab rā.egāñ

us se kahnā ki ham terī rāhoñ meñ zarra barābar bhī na ban sake

un ko sohbat mayassar hai qadmoñ kī tere magar haa.e ham

qissa al-muḳhtasar

zindagānī faqat rā.egānī

us se kahna

meri zindagani mein bas raigani rahi

jitne manzar meri aankh mein teri surat se KHali gae raegan

jitni raaten teri yaad se baz rah kar guzari gain raegan

jitni ninden pare tere KHwabon se thin ratjagon se ziyaada giran

tera milna faqat hasil-e-zist Thahra

teri KHair ho

warna sab jitni sansen bhari is safar mein

tera hath hathon mein jab jab nahin tha

wo sab raegan

us se kahna ki hum teri rahon mein zarra barabar bhi na ban sake

un ko sohbat mayassar hai qadmon ki tere magar hae hum

qissa al-muKHtasar

zindagani faqat raegani